MM Abiyyi Ahmad adeemsa ijaarsa Istaadiyeemii biyyaalessaa daawwatan
Muummeen Ministeeraa FDRI Abiyyi Ahmad adeemsa ijaarsa Istaadiyeemii biyyaalessaa daawwataniiru.
Haala waliigalaa ijaarsichaa fi rakkoolee muudatan ilaalchisee daayrektarri Gorsaa dhaabbata ijaarsaa Dooktar Injiinar Massalaa Hayilee fi ijaarsicha kan hordofan obbo Asmaraa Gizaw jila Dooktar Abiyyiin durfamuuf ibsa taasiisaniiru.
Mootummaan ijaarsi Istaadiyeemichaa akka ariifatuuf rakkooleen jiran akka furaman kan hojjetu ta’uu Muummeen Ministeeraa FDRI Abiyyi Ahmad ibsaniiru. Ijaarsi isaa qulqullina isaa eeggatee yeroo gabaabaa keessatti xumuramuun tajaajilaaf qophii akka ta’u qajeelfama hojii laataniiru.
Daawwannicharratti Muummeen Ministeeraa FDRI Abiyyi Ahmad fi Pirezidaantii bulchiinsa mootummaa naannoo Oromiyaa obbo Shimallis Abdiisaa dabalatee hoggantoonni mootummaa federaalaa fi naannolee hedduun argamuu ibsameera.
Site Title 