Diina gabrummaaf waamicha taasisu cabsuun birmadummaa biyyaa itti fufsiisfna!
Biyya kanaaf utubaa tokkummaa, addunyaaf ammoo madda diimokiraasii kan ta’e ummanni Oromoo har’as gootummaafi ciminni abboota isaa kaleessaa onnee dhaloota har’aatiin dhaalamee aadaa, duudhaafi safuu isaa eeggachaa gara jabinaan murxuxxee diina irraa itti darbatamu qolatee gootummaa isaa itti fufsiisuuf qophaa’ummaafi ijaarama isaa cimsachaa jira.
Baandonniifi murnootni hololaan of ijaaruu dhama’an maalummaa Itoophiyaafi ummata ishee utuuma beekanii, seenaa gootummaa isheef beekamtii kennuu mannaa raafama siyaasaafi dinagdee uumanii keessa bayyaannachuuf dhama’u. Oromoon garuu dursee ‘tufanii hin arraaban’ mammaaksa jedhuun dubbii jaraa goolabeera.
Daangaan biyya kanaa Kaaba-Kibbaa, Bahaa_ Lixatti kan ijaaramte dhiigni gootota Oromoo itti dhangala’ee lafeen isaanii itti caccabee akka ta’e seenaa gootota Aduwaa keessaa Jeneraalonni namni sagal Oromoo ta’uufi lolichi injifannoo biyya keenyaan goolabamuun gootummaa Oromoo ibsuuf ragaa guddaadha.
Kaleessa diinni Oromoo qalaa, kolaasaa, qeensa irraa buqqisaa ture dhagaa oromoon tokkummaan itti darbateen boollatti nammus, har’a garuu dhandhalcha keessa dhokatee ture keessaa ba’uun baandaafi humnoota bilisummaa Oromoo hin jaallanne ijaarrachuun injifannoo wareegama ilmaan Oromoon dhufe bittinsuuf dhama’aa jiraatus ummanni kaleessa raajii dalagee warra taankiifi baankii harka qaban sana qaanesse har’as diina isaaniif bakka hin qaban.
Ummanni maal akka barbaaduufi maal akka jibbu dirreetti ba’ee yaada ibsateen biyya kanaaf TPLF fi ergamtuun isaa shaneen naqarsaa injifannoo ta’uu ifatti ibsanii jiru.
Qaamni biyya diiguuf deemu irree ummataatiin dhabama ta’a!
Site Title 